Nag-antos karon ang usa ka 23-anyos nga ilitawo sa grabe nga kahimtang human gidaoban ang kaugalingon tungod sa tumang kadismaya nga gibati sa panghitabo sa ilang pamilya ug personal nga relasyon.
Sumala sa estorya sa iyang mga paryente, dako kaayo ang kahiubos ang gibati sa maong batan-on. Atol sa haya sa ilang lola, naglaum siya nga moabot ang iyang uyab aron makahatag unta og gamayng kahupayan sa iyang gibati human mamatay lang iyang apohan.
Apan samtang milabay ang oras wala kini motunga, misamot ang iyang kasubo ug kaluya sa hunahuna.
Pag-uli niya sa ilang balay, nasayod ang iyang manghud nga bug-at kaayo ang iyang gibati ug daw wala na siya kahibalo unsaon pag-atubang ang sitwasyon ug diha-diha nahitabo ang insedente nga pagsunog sa kaugalingon, kini ang usa ka trahedya nga wala damha sa pamilya.
Samtang daling gitabang sa silingan ug kapamilya ug gidala sa ospital aron matagaan og angay nga pag-atiman. Hangtod karon, naglaum ug nag-ampo ang pamilya nga malampasan niya ang maong pagsulay.
Photo Courtesy: Favorite
