Daghang mga airport sa Asya ang gipahugtan ang health monitoring human sa outbreak sa Nipah virus didto sa West Bengal. Adunay lima ka health workers sa West Bengal ang natakdan sa virus sa niaging mga semana, diin anaa sila karon sa kritikal nga kahimtang. Samtang, moabot ngadto sa 110 ka tawo nga ilang nakasalamuha ang kasamtangang gibutang sa quarantine.
Ang virus mahimong motakod gikan sa binuhing hayop paingon sa tawo. Taas usab ang death rate niini nga anaa sa 40 porsyento hangtod 75 porsyento, ug sa pagkakaron, wala pa’y tambal o bakuna alang niini.
Tungod niini, nagpahugot na sa seguridad ang Thailand diin sa tulo nila ka mga paliparan, nagpahigayon sila og mga screening ilabi na sa mga biyahero nga gikan sa India. Bisan ang Nepal nagpahugot usab sa mga mangabot sa Kathmandu airport ug sa pipila nila ka mga land border dapit sa India.
Photo courtesy: BBC
