Gihingusgan sa Chinese Embassy nga dili sila mopugong sa pagtubag sa mga pagsaway sa Senado human gikondena sa 15 ka mga senador ang embahada sa usa ka Senate Resolution.
Diin ang tigpamaba sa China nga si Ji Lingpeng gisaway ang tigpamaba sa Philippine Coast Guard (PCG) nga si Commodore Jay Tarriela, kinsa giingong naghimo og 195 ka mga social post niadtong 2025 ug migamit ug caricature ni Chinese President Xi Jinping ngadto sa mga estudyante.
Matod usab niya nga ang Freedom of Speech alang sa duha ka panig ug padayon nilang depensahan ang China batok sa giingong bakak nga mga akusasyon.
Gitataw usab ni Ji nga pipila ka mga senador ang giingong nasayop sa pagsabot sa Vienna Convention on Diplomatic Relations ug miinsister sa literal nga aplikasyon niini.
Gisaway ni Senador Risa Hontiveros ang embahada tungod sa giingong paglapas sa Vienna Convention, ug gisugyot sa Senado ang pagdeklara sa deputy spokesman nga si Guo Wei nga persona non-grata.
Dugang sa embahada nga kini magpadayon sa pag monitor sa giingong pagbutangbutang ug pagpatin-aw sa tanang mga alegasyon batok sa China, samtang nagpabilin nga pasalig sa diplomatikong relasyon ug kooperasyon sa Pilipinas.
Photo Courtesy: Philstar.com
