Gilantaw karon sa konseho sa syudad nga mahatagan og dugang kalamboan ang duha ka merkado publiko sa dakbayan sa Cagayan de Oro.
Kini human giuyonan sa konseho atol sa regular sesyon sa nilabayng semana ang resolusyon nga nagtugot ni Mayor Klarex Uy nga makigsabot sa bisan unsang inila nga mga pribadong kompanya, korporasyon o’ kontraktor alang sa pag-ayo o pag-redevelop sa Puerto Market ug Cogon Market ubos sa Build, Operate and Transfer (BOT) scheme.
Matod ni Konsehal Edgar Cabanlas nga kinahanglan na nga ikonsiderar ang usa ka moderno ug alternatibong pamaagi sa pagtugot sa pribadong sektor nga modumala sa duha ka merkado publiko sa syudad.
Giklaro sa konsehal nga usa lamang kini ka negosasyon o eksplorasyon apan ang pag-aprobar kon unsa man galing ang nasabotan kinahanglan moagi usa sa Konseho.
Photo courtesy: Cagayan de Oro City Council
