Gibisita sa mga Ambassador’s sa Eurpean Union (EU) ang Northen Mindanao alang na sa ilang pakigtambayayong sa mga posibleng kolaborasyon tali sa mga lokal nga panggamhanan para sa mga programa ug proyekto sa Rehiyon.
Sa unang higayon nag uban ang mga nagkalain-laing amabasador gikan sa mga lain-laing nasud.
Giingon ni EU Ambassador to the Philippines Massimo Santoro, nga niadtong tuig 2020 mibubo ang EU og kwarta nga € 140 Milyon kon 9. 6 bilyon nga kantidad para sa Mindanao, diin gasilbi nga pinakadako nga grant contributors sa Pilipinas.
Ang mga EU Ambassador’s gikan sa nasud Hungary, Romania, Netherlands, Autria, Denmark, Germany, France, Czech Republic, Italy, Ireland, Finland, Sweden, Belgium, Poland ug Spain.
Atol sa pag atubang niini sa Local Media sa rehiyon, gipasabot ni EU Ambassador Santoro nga duna silay mga proyekto sa Mindanao sama gitawag nga SPADE nga gipundohan ug gigastohan sa EU og 1.037 bilyon ug sa German Government nga 204 milyon.
Parte kini sa European Union- Mindanao Peace and Development programme o Minpad- RISE nga gasuporta sa pag palambo sa conflict-sensitive and climate- smart value chains alang sa pagduso sa mga promosyon sa investment sa Mindanao.
Lakip nga gitutokan sa EU ang agrikultura labina sa probinsya sa Bukidnon ug ang Tri- City Justice Zone mao ang Cagayan de Oro, Iligan ug Ozamiz City, nga naka tutok sa pakigbatok sa online Sexual Abuse and Exploitation of Children (OSAEC) ug sa Child Sexual Abuse or Exploitation Material o (CSAEM).
Wala usab nila gilimod ang ilang kasayuran sa sitwasyon sa nasud karon sa mga isyu sa anomalya ug korapsyon sa Pilipinas.
