Arestado sa entrapment operation sa kapulisan ang usa ka fixer sa sa LTO-Koronadal District Office nga giingong nitanyag og paspas nga pagproseso sa Land Transportation Office kon LTO bugti sa kwarta, sa Rizal Park, Waling-waling St., Brgy. Zone 4, Koronodal City, South Cotabato pasado alas 10:30 sa buntag niadtong Huwebes.
Giila ni Koronadal PNP Chief Lt. Col. Peter Pinalgan Jr. ang suspek nga si Abdulmaula Mangakoy, 56-anyos, minyo ug residente sa Brgy. Fatima, General Santos City. Matod ni Pinalgan, gihimo ang operasyon human nakadawat ang kapulisan og report kalabot sa kurapsyon.
Diin nakuha gikan kang Mangakoy ang Php2,000 nga kwarta nga gigamit sa operasyon. Dugang pa sa opisyal nga kasamtangang giimbestigahan pa ang posibleng kasabwat sa suspek ug ang gidak-on sa ilang operasyon.
Nagtuo usab ang kapolisan nga nakasulod si Mangakoy sa LTO isip fixer tungod sa koneksyon niini sulod sa buhatan.
Sa pagkakaron ang nasampit nga dinakpan kasamtangang nag-atubang og kaso ubos sa RA 9485 o ang Anti-Red Tape Act of 2007.
Photo Courtesy: Philippine News Agency
