Nipadayag si Acting Philippine National Police (PNP) Chief Lieutenant General Jose Melencio Nartatez Jr. sa iyang pagdayeg sa Criminal Investigation and Detection Group (CIDG) sa ilang paspas nga aksyon sa pagsubay ug pagdakop sa mga indibidwal nga nalambigit sa kontrobersyal nga kaso sa mga missing sabungero.
Gibutyag niya kini human masikop ang (17) sa kinatibuk-ang (18) ka akusado nga adunay warrant of arrest nga giisyu sa korte.
Matod ni Nartatez, ang nahabilin nga pugante sa mga indibidwal diin gimando sa Laguna Regional Trial Court (RTC) branch 66 ang pagdakop kang si Charlie “Atong” Ang.
Kun asa si Ang nag-atubang og kasong Kidnapping with Homicide ug Serious Illegal Detention, parehong may kalambigitan sa pagkawala sa mga sabungero.
Tungod niini nga sitwasyon, nipagawas dayon og direktiba si Nartatez sa PNP nga makig-alayon sa Bureau of Immigration aron higpit nga mapugngan ang bisan unsang pagsulay ni Ang nga makagawas sa nasud ug makatakas sa responsibilidad.
Diin sa samang higayon, gipahugtan usab ang seguridad ug surveillance sa tanang tugpahanan ug pantalan sa tibuok nasod.
Photo Courtesy: Pinglacson
