Nakabalik na sa kalibotan ang mga astronaut sa International Space Station (ISS) Crew-11 human sa sayo nga pagtapos sa ilang misyon, sa dihang ang SpaceX Dragon Endeavour capsule nahulog sa Kadagatang Pasipiko sa baybayon sa San Diego kagahapon Enero 15.
Ang pag-splashdown nga gitabangan sa parachute nahitabo alas 3:41 sa buntag lokal nga oras, mga oras human ang capsule mibulag gikan sa Harmony module sa ISS alas 5:20 sa hapon niadtong Enero 14.
Giila sa NASA ang crew-11 nga sila si Zena Cardman isip mission commander ug Mike Fincke isip piloto. Sakay usab sa barko ang mga mission specialist nga sila si Kimiya Yui gikan sa Japan Aerospace Exploration Agency (JAXA) ug si Oleg Platonov, usa ka Russian cosmonaut.
Ang NASA miingon nga ang sayo nga pagbalik sa Crew-11 tungod sa wala gibutyag nga medikal nga isyu nga naglambigit sa usa sa mga tripulante. Gipahibalo sa ahensya ang desisyon nga tapuson ang misyon sayo niadtong Enero 8, apan wala nganli ang astronaut nga naapektuhan.
Human sa pag-splashdown, ang mga tripulante gipaubos dayon sa inisyal nga medikal nga ebalwasyon sakay sa recovery vessel aron mahibal-an ang ilang kondisyon human makabalik gikan sa kawanangan. Gilauman nga dad-on sila sa baybayon sa dili pa molupad padulong sa Johnson Space Center sa Houston, Texas alang sa dugang nga pagsulay ug debriefing.
Photo Courtesy: NASA
