Gilauman sa Commission on Elections (Comelec) nga madayon na ang piniliay sa Bangsamoro Autonomous Region in Muslim Mindanao (BARMM) ning tuiga.
Giangkon ni Comelec Chairman George Erwin Garcia nga kung dili madayon ang 2026 BARMM elections, magpaabot pa og bag-ong balaod aron mahinayon ang giingong piniliay. Hangyo sab ni Garcia nga kung idayon ang eleksyon sa BARMM kinahanglan karong tuiga, dili kung sa tuig 2027.
Dugang pa mahimo kining bug-at alang sa Comelec 2027 tungod sa pagpangandam sa 2028 national ug local elections.
Naglaum sab si Garcia nga dili idungan ang BARMM elections sa 2028 tungod sa posibleng maggukod o madoble ang ilang trabaho labi na kini ang labing una nga parliamentary elections nga buhaton sa Mindanao.
Photo Courtesy: Inquirer.net
