Nagpasalig ang Department of Education (DepEd), kauban ang Department of Public Works and Highways (DPWH) ug mga Local Government Units (LGUs), nga mas mapadali ang pagtukod ug pag-ayo sa mga classroom, ilabi na sa Bukidnon nga nag-atubang og kakulang sa pasilidad ug daghang karaan nga classroom nga dili na angay gamiton.
Kini ang gibutyag ni Senator Juan Miguel “Migz” Zubiri sa pakighinabi sa media didto sa Palacapao, Quezon, kagahapon, Enero 14, 2025, kauban si DPWH Secretary Vince Dizon.
Sumala ni Zubiri, adunay naka-allocate nga pondo ang DepEd nga nagkantidad og ₱1.4 trillion alang sa pagtukod ug pag-ayo sa mga classroom sa tibuok nasud, diin karong tuiga mas gihatagan ug dakong gahom ang LGUs nga maoy mopadagan sa pondo aron malikayan ang kalangan ug mas mapaspasan ang implementasyon sa proyekto.
Naglaum kini nga ang DepEd, DPWH, ug LGU desentralisado ang pagdumala sa pondo, mas mapaspasan ang paghatag og lig-on, luwas, ug modernong classroom alang sa mga kabataan sa Bukidnon ug sa tibuok nasud.
Sa laing bahin, gipaambit sab sa sendaor iyang sekreto nga gisunod gikan sa amahan nga si Maria Jose Zubiri nga dili gayud manghilabot sa government funds ug projects, isip prinsipyo sa limpyo ug matinud-anong serbisyo publiko busa wala malakip sa mga opsiyal nga nalambigit sa isyu sa korapsyon.
