Madasigon nga nagpadayon sa iyang edukasyon ang aktres nga si Ruffa Gutierrez bisan sa edad nga 51-anyos.
Gisulti niya nga ang pagkat-on usa ka lifelong journey ug dili pa ulahi ang tanan sa pagpangandoy ug paglambo sa personal ug propesyonal nga kinabuhi.
Tulo ka tuig na ang milabay sukad niya nakuha ang degree sa Communication Arts sa Philippine Women’s University, ug karon nagpadayon siya sa mas taas nga master’s degree sa parehas nga unibersidad.
Iyang gibati nga nabanhaw pag-usab ang iyang gugma sa pagtuon ug determinasyon sa paglambo.
Sa social media, giingon niya, “Feeling inspired to rekindle my passion for learning,” nga nagpakita sa iyang commitment sa personal growth ug paghatag inspirasyon sa uban. Iyang gi-emphasize nga ang kinabuhi puno sa mga proyekto nga makahatag og kahulogan ug purpose.
Gipahinumdoman ni Ruffa ang publiko nga bisan unsa pa ang edad o sitwasyon, angay lang magsugod pag-usab ug padayon sa pag-abot sa mga pangandoy.
Photo Courtesy: COSMO.PH
