Mipadayag sa ilang pahasubo ang mga Filipino American groups sa kamatayon sa usa aktibista ug magbabalak nga si Renee Nicole Good, 37-anyos kinsa gipusil patay niadtong milabay nga adlaw.
Kahibaloan nga ang biktima usa ka inahan sa tulo ka anak ug aktibo usab siya sa komunidad ug iyang kamatayon nagdani ug lalom nga kasuko sa mga grupo, lakip na ang National Federation of Filipino American Associations (NaFFAA).
Subay niini, liboan ka tawo ang nagprotesta sa Minneapolis ug nagsinggit sa hustisya sa kamatayon ni Good batok sa U.S. Immigration and Customs Enforcement (ICE). Daghan usab ang misalmot sa maong kalihokan lakip na ang mga taga Portland, Philadelphia, ug ubang syudad.
Samtang sa pikas bahin, ang pamilya ni Good nag-awhag usab sa empathy ug pagkahiusa samtang nanawagan sa hustisya. Padayun usab nga gibantayan sa tanan ang imbestigasyon sa maong insidente.
Photo Courtesy:HLN
