Gihingusgan sa mga awtoridad nga miagi sa husto ug legal nga proseso, ang pagkumpiska sa mga luhong sakyanan nga kasamtangang nalambigit kang kanhi Ako Bicol Partylist Rep. Zaldy Co.
Matod ni Acting PNP Chief PLtGen. Jose Melencio Nartatez Jr., gisunod sa mga awtoridad ang proseso nga gibase sa balido ug naglungtad nga mga balaod, aron masiguro nga ang mga operasyon gihimo nga adunay transparency, pagtahod sa angay nga proseso ug bisan ang mga katungod sa mga nalambigit.
Isip tubag sa mga pamahayag sa legal counsel ni Co, ang hepe niingon nga ang operasyon gisugdan pinaagi sa kamanduan sa mga otoridad nga igo lang gisunod ug gitubag sa kapulisan.
Lakip sa nasakmit nga mga sakyanan sa kanhi magbabalaod mao ang mga high-end models sama sa Rolls-Royce, Toyota Sequoia, Cadillac Escalade ug Lexus.
Samtang, matod niya kabahin kini sa ilang suporta ug partisipasyon sa inisyatiba sa gobyerno batok sa korapsyon ug isyu sa flood control projects.
Gipasalig ni Nartatez nga pabiling aktibo ang tibuok puwersa sa National Police aron ipadayon ang pag-ila ug pagdakop sa tanang personalidad nga nalambigit sa anomalosong flood control scandal.
Photo Courtesy: PBB
