Gilamoy sa usa ka dako nga bushfire ang kapin 300,000 hectares nga bushland sa estado sa Victoria, Australia, human dali nga nikatag ang sunog tungod sa grabeng heatwave, sumala sa mga otoridad niadtong Sabado.
Giila sa new South Wales sa emergency level—ang pinakataas nga alerto ug ang pipila ka sunog duol sa border sa Victoria, diin halos 40 degrees Celsius ang temperatura, sumala sa Rural Fire Service.
Sumala sa mga otoridad, kapin 130 ka istruktura ang nadaot lakip ang mga balay, samtang 38,000 ka panimalay ug negosyo ang nawagtangan og kuryente tungod sa kadaot nga gipahinabo sa bushfire.
Kini na ang pinakagrabeng sunog sa nasud sukad sa 2019–2020 Black Summer fires, nga mitupok sa yuta nga halos parehas kadako sa Turkey ug mipatay ug 33 ka tawo.
Nagpagawas usab og pahimangno si Prime Minister Anthony Albanese nga nag-atubang ang Australia og usa ka adlaw sa extreme ug dangerous nga fire conditions, ilabi na sa Victoria diin dakong bahin sa estado ang gideklarar nga disaster zone.
Isip paglikay, gisira na ang daghang parke ug campground sa Victoria ug gi-evacuate dayon ang mga residente sa mga apektadong lugar.
Padayon usab ang heatwave warning sa dagkong bahin sa Victoria, samtang aktibo ang fire weather warnings sa daghang lugar sa nasud lakip ang New South Wales, sumala sa Australian weather bureau.
Photo Courtesy: BBC
