Gilauman sa Bangko Sentral ng Pilipinas (BSP), nga ang inflation sa nasud mahimong mobalik sulod sa target nga 2%–4% niining tuiga, tungod sa pagsaka sa presyo sa kuryente, base effects, ug sa padayong paghuyang sa kantidad sa piso.
Sumala sa Monetary Policy Report sa BSP alang sa Disyembre 2025, gipaabot nga ang inflation moabot sa 3.2% karong tuiga, ug 3% sa 2027, nga naa gihapon sulod sa target range sa sentral nga bangko.
Niadtong 2025, ang inflation sa nasud mikunhod ngadto sa 1.7%, ang pinakamenor nga lebel sa miaging siyam ka tuig, mas ubos kumpara sa 1.3% nga naitala niadtong 2016.
Sukad Agosto 2024, ang Monetary Board sa BSP nagpahigayon og sunod-sunod nga pagkunhod sa interest rates, nga mikabat og 200 basis points, hinungdan nga ang policy rate karon naa na sa 4.50%.
Bisan pa niini, giila sa BSP ang presensya sa mga downside risks, lakip na ang mga isyu sa governance nga misangpot sa pagkalangan sa mga flood control projects. Kini mahimong makaapekto sa economic growth ug sa inflation outlook sa nasud.
Gibutyag usab sa BSP nga ang growth outlook sa ekonomiya mahimong magpadayon nga huyang tungod sa pagkunhod sa business sentiment ug hinay nga investment activity.
Usa sa mga gipunting nga hinungdan mao ang mga isyu sa korapsyon ug governance scandals, nga naghatag og dagkong kalangan sa public spending, ug sa baylo nagpahuyang sa growth prospects sa ekonomiya.
Para niining tuiga, gilauman nga magpadayon ang investment slowdown, ug nga ang economic growth outlook sa nasud magpabiling ubos.
Photo Courtesy: Elegal
