Kadaghanan sa mga hamtong nga Pilipino nagtuo nga kaylap ang korapsyon sa gobyerno, sumala sa survey sa Pulse Asia nga gipagawas kagahapong adalwa ning kasamtangan nga tuig.
Sa 1,200 ka hamtong sa survey niadtong Disyembre 2025, 94 porsyento ang miingon nga kaylap ang korapsyon sa gobyerno. Lima porsyento ang wala makahukom, samtang usa porsyento lamang ang nagtuo nga dili kaylap ang korapsyon.
Sumala sa Pulse Asia, ang maong panan-aw gipaambit sa kadaghanan sa mga Pilipino sa tanang rehiyon ug socioeconomic classes. Dugang pa, 74 porsyento sa mga respondents ang miingon nga misamot ang korapsyon sa miaging 12 ka bulan, pito ka porsyento ang nag-ingon nga niminus, ug 19 porsyento ang miingon nga wala mausab.
Kadaghanan usab sa mga hamtong nagtan-aw nga korapsyon ang pagdawat o paghatag og suhulan, sayop nga paggamit sa pondo sa gobyerno o kompanya, ug paghatag o pagdawat og kickback sa mga kontrata o serbisyo, sa publiko man o pribadong sektor.
Ang resulta sa survey nagpabiling halos pareho tali sa Septiyembre ug Disyembre 2025, ug adunay margin of error nga plus o minus 2.8 porsyento sa 95 porsyentong confidence level.
Photo Courtesy: Abogado
