Gihingusgan sa US Senate nga ipatuman ang ka war powers resolution, aron limitahan ang gahum sa presidente sa Estados Unidos nga si Donald Trump sa pagpahigayon og dugang military action batok sa Venezuela kung walay klarong pagtugot gikan sa Kongreso.
Sa boto nga 52–47, lima ka Republican senators misumpay sa tanan nga mga Democrat aron i-advance ang resolusyon padulong sa sunod nga plano sa Senado, diin gilauman nga pagabotohan kini sunod semana.
Ang lakang nitumaw pipila lang ka adlaw human sa kontrobersyal nga military raid sa Estados Unidos sa Venezuela niadtong Enero 3, diin gipugos ug nadakpan ang presidente sa nasod nga si Nicolás Maduro, aksyon nga misangpot sa kalibutanong pagkondena ug kabalaka.
Kung mapasar sa tibuok Senado ug ilabina sa House of Representatives ug pirmahan sa presidente, ang resolusyon magdili kang Trump sa pagpahigayon og ubang military action sa Venezuela nga walay Congressional authorization. Apan daghang obserbador nagtan-aw nga lisod kini mahimong balaod tungod sa posibleng veto sa pangulo.
Ang resolusyon gipasiugdahan sa Democratic Senator Tim Kaine ug co-sponsored sa Republican Senator Rand Paul ug ubang mga lider sa Senado, usa ka pahiwatig sa kabalaka sa pipila ka lawmakers bahin sa papel sa Kongreso sa mga de-isyon sa giyera ug kalibotanong seguridad.
Photo Courtesy: CNN
