Gipaambit ni Fr. Oaulo Barandon pinaagi sa litrato nga iyang kuha sa Brgy. Bonga, Bacacay, Albay nga nagpadayun sa gihapon ang Bulkan sa pagbuga ug pyroclastic density current (PDC) gikan sa crater niini, pasado alas 7:00 sa buntag, Enero 8, 2026.
Samtang nagpabilin pa ang Bulkan sa Alert Level 3, nga nagpasabot nga nagpadayon ang kalihokan sa bulkan ug adunay posibilidad sa mas kusog nga pagbuto.
Sa pikas bahin, nagpasidaan usab ang Department of Social Welfare and Development (DSWD) ngadto sa mga residente nga nagpuyo duol sa maong bulkan ang pagbakwit gilayon kung ang mga otoridad magpagwas na og advisory kabahin sa kalihokan niini.
Base usab sa mga post sa mga social media pages sa DSWD nga andam matod pa sila sa paghatag ug tabang sa mga indibidwal duol sa Bulkang Mayon.
Giawhag usab ang mga residente nga magpabiling alerto ug bantayan ang mga updates nga may kalabutan sa bulkan.
Photo Courtesy: Balitang Ormocanon
