Gipagawas sa Supreme Court (SC) kagahapong adlawa ang resulta sa 2025 Bar Examinations, diin 5,594 sa 11,425 ka mga examinees ang nakapasar, nga katumbas sa 48.96% nga passing rate.
Nanguna sa mga bag-ong abogado si Jhenroniel Rhey Sanchez gikan sa University of the Philippines nga nakakuha og 92.70% average grade.
Gipangulohan ni Associate Justice Amy Lazaro-Javier, Chairperson sa Bar Exams Committee, ang pag-abli sa mga resulta atol sa en banc session sa Supreme Court.
Gipahigayon ang exam niadtong Septyembre 2025 sa nagkalain-laing regional testing centers gamit ang digital platform nga Examplify, nga nagtumong nga himuong mas sayon ug luwas ang proseso.
Giila kini nga makasaysayanon tungod kay kini ang adunay pinakadaghang ihap sa mga kandidato sa kasaysayan sa Bar, nga niabot sa kapin 11,000 ka examinees.
Dungan sa listahan sa mga nakapasar, gipagawas usab ang listahan sa mga topnotchers ug ang mga top performing law schools.
Ang mga bag-ong abogado gilauman nga mopaubos sa clearance process ug opisyal nga manumpa sa umaabot nga mga semana.
Photo courtesy: Supreme Court PH
