Nisandig ang piso sa Pilipinas sa usa ka bag-ong rekord nga kinaubsan, atol sa pagpakunhod sa bangko sentral sa ilahang interest rate ug samtang gipanid-an sa mga negosyante ang tolerance niini nga mihuyang.
Niubos ang piso og 0.2% ngadto sa 59.34 matag dolyar adlawng Miyerkules. Nalabwan niini ang kanhi rekord nga kinaubsan nga 59.26 nga natala niadtong ulahing bahin sa Oktubre.
Nidako ang bearish momentum alang sa piso human nagpagawas og timaan ang sentral nga bangko niadtong Martes nga wala sila kaayo mabalaka sa kahuyang sa kwarta ug duna pay mahitabong mga pagpakunhod sa interest rate. Ang kwarta nailalom sa pressure sulod sa pipila ka bulan samtang ang eskandalo sa korapsyon sa gobyerno nakapahuyang sa pagsalig sa mga magpapatigayon ug nakadaot sa pagtubo sa ekonomiya.
Sa dihang gipangutana kon duna ba’y risgo nga maabot ang bag-ong rekord nga kinaubsan sa piso karong tuiga, si BSP Governor Eli Remolona niingon niadtong Martes nga ang bangko sentral wala magtan-aw sa lebel. Sa kasukwahi, ang mga awtoridad sa panalapi “magtan-aw kon—kon moubos man ang bili sa piso—kon ang pagka-ubos ba dako kaayo” nga makaapekto na sa implasyon, matod niya.
Dugang ni Remolona nga ang pagpakunhod sa interest rate anaa sa listahan nga pagahisgutan karong Pebrero.
Ang mas ubos nga tsansa sa pagtubo sa ekonomiya, ang nagkahuyang nga current-account balance, ug ang pagkunhod sa pagsalig sa mga magpapatigayon ang nakapabug-at sa piso sa mubo nga panahon.
Photo courtesy: Business World
