Gipanghimakak sa Armed Forces of the Philippines (AFP) ang akusasyon niadtong Lunes ni kanhi Ilocos Sur Governor Luis “Chavit” Singson nga pipila ka mga sundalo ang gigamit sa pagpanalipod sa interes sa mga politiko samtang ang mga ordinaryong Pilipino maoy nag-antos sa korapsyon sama sa pagsaka sa presyo sa mga palaliton, paghuyang sa piso, nagkadako nga utang sa publiko, ug pagkunhod foreign investments.
Agig tubag, ang tigpamaba sa AFP nga si Colonel Francel Margareth Padilla miingon nga ang AFP nagpabiling lig on sa pagsunod sa mandato sa 1987 Constitution, partikular na sa probisyon nga nag-ingon nga ang “Civilian authority” kanunay nga nagpatigbabaw sa militar.
Gihatagan usab niya og gibug-aton nga samtang gisuportahan sa AFP ang adbokasiya alang sa maayong pagdumala ug pakigbatok sa korapsyon, ang mga butang nga may kalabotan sa gobyerno, ug palisiya sa ekonomiya ug mga civilian oversight bodies, ubos matod pa sa korte, dili sa militar.
Kahinumduman nga gibutyag ni Singson nga pipila sa mga dagkong opisyal sa militar ang giingong gihatagan og kuwarta aron pahilomon.
Giawhag usab sa kanhi gobernador si AFP Chief of Staff General Romeo Brawner Jr. nga nga mobarog batok sa korapsyon. Busa nipasidaan si Padilla batok sa mga panawagan nga lakip ang militar sa partisan politics, subay sa sandatahang lakas nga makadaut kini sa integridad sa institusyon.
Dugang pa sa tigpamaba nga importante nga alerto ang publiko ilabi na sa panahon nga gikinahanglan sa nasud ang panaghiusa taliwala atubangan sa mga hagit sa West Philippine Sea.
Photo Courtesy: Manila Standard
