Nagtoo si Las Piñas City Representative Mark Anthony Santos nga ang pagkahimong balaod sa anti-political dynasty bill usa ka paagi aron mabalik ang kumpiyansa sa publiko sa Kongreso.
Gihimo ni Santos ang pamahayag dungan sa nagkadakong panawagan nga idili na ang political dynasty sa nasod. Masaligon ang mambabatas nga mas daghan pang mga kongresista ang moduso niini, karon nga nagsugod na ang liderato sa Kamara sa pagpakita og interes sa sugyot nga balaod.
Gihisgotan ni Santos ang gi-file kaniadto nila House Speaker Faustino Dy III ug House Majority Leader Sandro Marcos nga ilahang bersyon sa anti-political dynasty bill, isip ebidensya sa suporta sa Kamara sa sugyot balaudnon. Una na usab nga nag-file si Rep. Santos og susama nga panukala niadtong Hulyo, human sa pag-abli sa 20th Congress.
Nagtuo ang magbabalaod nga bisan si Presidente Ferdinand Marcos Jr. mosuporta usab sa hingpit nga pagpasa niini sa labing daling panahon.
Photo courtesy: NAMFREL
