Gihatagan og pagtagad sa Land Transportation Office (LTO) ang mga nikatap sa social media nga nigamit sa pangalan sa buhatan mahitungod sa matod pa bag-ong pamaagi sa pagkuha og driver’s license.
Matod sa LTO nga adunay mga post nga nag-ingong anaay gipatuman nga kausaban sa mga pamaagi sa pagkuha og driver’s license ug gisugdan na kini niadtong Disyembre 31, bisperas sa bag-ong tuig.
Sugyot sa LTO nga wala kini kamatuoran ang maong impormasyon ug dili sab kini naggikan sa opisyal nga buhatan o sa social media account sa LTO.
Tambag sa LTO ngadto sa publiko nga siguradohong credible ang gigikanan sa balita ug adto lang motuo sa mga opisyal nga social media accounts sa buhatan.
Nipahinumdom sab ang LTO ngadto sa publiko sa dili dayon motuo o mohatag og impormasyon sa bisan kinsa aron malikayan ang dili husto nga impormasyon.
Courtesy: Land Transportation Office
