Gikompirma sa mga otoridad nga ang nag-viral nga dashcam footage sa Kennon Road, Benguet, diin si kanhi Department of Public Works and Highways (DPWH) Undersecretary Catalina Cabral nakit-an nga naglingkod sa dalan sa wala pa siya namatay niadtong Disyembre 18, konektado matod pa sa inisyal nga findings sa National Bureau of Investigation (NBI).
Diin gikumpirma usab ni Philippine National Police (PNP) ug Department of the Interior and Local Government (DILG) Secretary Jonvic Remulla nga authentic ang selfie photo sa drayber ni Cabral ug match kini sa tawo nga anaa sa video.
Matod ni PNP acting chief Police Lt. Gen. Jose Melencio Nartatez Jr., klaro na ang pagkatawo sa patayng lawas, ug nakatutok karon ang PNP sa pag-imbestigr sa tinuod nga nahitabo sa kanhi opisyal sa DPWH.
Gipasalig niini nga ang PNP motabang usab sa pagkalap sa mga ebidensiya kalabot kang Cabral nga posibleng makatabang sa imbestigasyon sa mga anomalosong flood control projects.
Gibutyag usab ni Nartatez nga nakig-alayon usab ang PNP sa Independent Commission for Infrastructure (ICI) ug uban pang mga hingtungdang ahensya aron masiguro ang dinaliang imbestigasyon.
Photo Courtesy to:PEP
