Gusto karung pa-imbestigahan sa Independent Commission for Infrastructure (ICI) ang kamatayon ni kanhi Department of Public Works and Highways (DPWH) Undersecretary Maria Catalina Cabral aron masayran nga kung aduna ba kini’y foul play o wala.
Gi-awhag sa ICI ang mga ahensya sa pagpatuman sa balaod nga susihon gilayon ang kalit nga pagkamatay sa biktima. Kini ang ilang hangyo human nga giingong nahulog sa Bued River sa Kennon Road sa Benguet ang kanhi opisyal sa DPWH.
Matod pa ni ICI Executive Director Brian Hosaka nga kinahanglan nga ipailalom sa digital forensics examination ang mga butang ni Cabral, sama na lang sa iyang mga kompyuter ug gadgets ingon man ang mga importanteng dokumento niini.
Kini mahitungod nga si Cabral kaniadto nagsilbi isip DPWH undersecretary alang sa pagplano ug public-private partnerships. Gani, naghinaot ang ICI nga maimbestigahan na dayon aron masuta ang tinuod nga hinungdan sa kamatayon ni Cabral.
Photo Courtesy to: Philippine News Agency
