Gipagawas sa Commission on Audit (COA) ang upat ka mga flood control projects gikan sa Bulacan nga nagkantidad sa kapin Php330 milyones kini may kalabotan sa giingong mga kahiwian sa flood control projects o mga ghost structures nga gikalambigitan sa pipila ka mga opisyal sa Department of Public Works and Highways.
Sa Wawao Builders, gitukod ang riverbank protection structure sa Barangay Calero, Malolos City, Bulacan sa kantidad nga Php77,197,885.27, sa Barangay Malis (Phase III), Guiguinto, Bulacan anaa sa Php98,999,939.04, sa flood mitigation structure sa Bulusan, Calumpit, Bulacan anaa sa Php77,199,991.76 ug sa riverbank protection structure sa Barangay Namayan, Malolos City, Bulacan nga anaa sa Php77,115,140.90.
Sumala sa COA nga ang mga indibidwal nga nalambigit sa flood control scam mahimong mag-atubang ug kaso sa graft and corruption ubos sa Anti-Graft and Corrupt Practices Act, ingon man sa malversation of public funds ug falsification sa mga dokumento ubos sa Revised Penal Code.
Ang mga opisyal nga nalambigit mao sila Henry Alcantara, Brice Ericson Hernandez, Ernesto Galang, Jaime Hernandez, Lorenzo Pagtalunan, Emelita Morales, Jaypee Mendoza, Paul Jayson Duya, Jolo Mari Tayao, Lemuel Ephraim Roque, Sheena Bernadette Morales, Paycee Nicole Dimaano, Isiah Lor Galang ug Mark Lester Castro. Samtang sila Mark Allan Arevalo ug John Michael Ramos sa Wawao Builders.
Gani, dugang pa sa ahensya nga nakalapas usab sila sa COA Circular No. 2009-001 ug mga applicable procurement ug infrastructure regulations.
Photo Courtesy to:COA
