Patay ang pito ka mga indibidwal human nga nahagsa ang usa ka Cessna Citation 550 business jet sa dihang misulay kini sa paghimo ug emergency landing sa Statesville, North Carolina niadtong Huwebes sa buntag Disyembre 18, 2025.
Lakip sa namatay ang drayber sa NASCAR nga si Greg Biffle, uban sa iyang asawa nga si Cristina, ilang mga anak nga sila Ryder ug Emma, ingon man si Craig Wadsworth ug ang amahan ni Jack nga si Dennis. Dugang pa sa report nga patay usab ang usa ka Auburn junior nga si Jack Dutton kinsa nagtuon isip usa ka propesyonal nga piloto.
Kahibaloan nga si Dutton usa ka miyembro sa Alpha Sigma Phi ug usa ka barista sa Well Red. Sa dihang nabalitaan sa mga higala, pamilya ug sa Auburn Community ang kamatayon ni Dutton, mihatag sila ug pahasubo ug simpatya. Matod pa usab sa usa ka indibidwal nga tanang naghigugma o duol kang Dutton mingawon gayud kaniya.
Sa pagkakaron nagpadayun pa ang imbestigasyon sa mga otoridad aron nga masuta ang tinuod nga hinungdan sa maong insidente.
Photo Courtesy to: Diskurso PH
