Gi-aprobahan sa administrasyon ni US President Donald Trump ang pagbaligya sa $11 bilyon nga kantidad sa mga armas alang sa Taiwan.
Sa usa ka pamahayag, adlawng Huwebes, Disyembre 18, gikompirma sa Taiwan nga kini ang ikaduhang batch sa mga hinagiban nga ibaligya sa US sukad sa pagbalik ni Trump sa pwesto.
Base sa foreign ministry sa Taiwan, lakip sa package ang HIMARS rocket systems, mga howitzer, anti-tank missiles, mga drone, ug pipila pa ka mga parte alang sa ubang mga ekipo.
Kinahanglan pa nga aprobahan sa US Congress ang kasabutan, apan gamay ra ang purohan nga isalikway kini tungod sa panaghiusa sa mga partido (cross-party consensus) kalabot sa depensa sa Taiwan.
Sumala sa defense ministry sa Taiwan, gilauman nga opisyal nga mahimong epektibo ang weapons deal sa sulod sa usa ka bulan.
Photo courtesy: BBC News
