Mga kajuander, sa tanang niingon nga “Dont judge the bookby it’s cover”, sakto kaayo sila ani nga hitabo sa Malaybalay City, Bukidnon.
Usa ka lalaki nga giila nga si Reynante Lotarion, minyo, 44-anyos og adunay unom ka mga anak nga giisip sa kadaghanan nga amang, ang niapil sa usa ka party nga gipahigayon sa Head Office sa RSV Group of Companies sa Malaybalay.
Sa dihang gitawag na ang mga empleyado kung kinsay mokanta aron mohatag og lingaw sa tanan wala damha nga ang mga barkada ni Reynante siya ang gipresenta pero luyo sa tanan wala kini mibalalibad og gidawat ang microphone.
Dugang pa daghan ang nangatawa ug nangakurat sa sinugdanan, pero simple niyang gisundan ang tono og klaro ang iyang humming nga gisabayan ang banda nga daw easy lang niya kaayo.
Ang crowd, napuno sa kakurat, kahimoot, ug palakpak, samtang daghan ang mibilib kaniya.
Bisan ang Chairman ug CEO sa Juander Radyo, wala gyod makapugong sa iyang pagdayeg, ug miila nga talagsaon ang talento ni Reynante Lotarion.
Sa katapusan, nagpahinumdom ang maong hitabo nga dili sukdon ang talento sa hitsura, ug usahay ang pinakanindot nga katingalahan, moabot nga wala nimo damha.
