Gipili sa lokal nga kagamhanan sa Dakbayan sa Talisay sa lalawigan sa Sugbo nga dili mopahigayon og bongga nga Christmas party hinuon ang budget alang sa Party ila nalang kining ihatag isip tabang sa mga pamilya nga apektado sa bagyo.
Bisan pa man naandan ang pagselebrar sanglit kausa ra kini sa usa ka tuig, apan mahitungod sa nahiaguman sa mga Talisaynon diin daghan ang wala pa makabangon, samtang nagbilin og dakong danyos ang maong bagyo.
Nagpagawas og pamahayag si Talisay City Vice Mayor Francis Aznar nga nakahukom sila kauban ni Talisay City Mayor Samsam Gullas nga dili una sila mag Christmas Party ingon man ang mga Department Offices sa kagamhanan sa syudad.
Nasayran nga gitahasan na ang mga departamento aron sa paghigayon og outreach program alang sa pag hatag og bundle of joy alang sa mga apektadong pamilya sa Dakbayan sa Talisay.
Dugang pa niini, bisan sa kalisod nga nahiaguman tungod sa kalamidad og naglisud pa sa pag bangon ang talisaynon, tumong niini nga mahatagan og kahayag ang mga residente sa talisay bisan sa ginagmay nga tabang.
