Sulod na sa men’s boxing 80 kg. finals ang Pinoy boxer nga si Eumir Marcial sa nagpadayon nga Southeast Asian (SEA) Games.
Gipatumba sa two-time Olympian ang Vietnamese nga si Manh Cuong Nguyen aron maka-abante sa gold medal match.
Wala tugoti ni Marcial nga isalig sa desisyon sa mga judges ang dula, hinungdan nga iyang gipatumba ang kontra sa nahabiling 35 ka segundo sa ikaduhang round.
Matod pa niya, wala siya magdahom og knockout tungod kay gibuhat lang niya ang iyang mahimo ug gihatag ang tanang kusog aron modaog.
Makasangka sa 30-anyos nga si Marcial ang Indonesian nga si Maikhel Muskita kinsa nakadaog og gold medal niadtong 2021 ug silver medal niadtong 2023 SEA Games.
Makauban ni Marcial ang pipila ka mga Pinoy boxers nga makig-away usab alang sa gold medal match nga sila si Flint Jara, Jay Brian Baricuatro, ug Aira Villegas.
Photo courtesy: One Sports
