Nangayo og pasaylo ang Department of Public Works and Highways (DPWH) tungod sa kakulangan sa inisyal nga datos nga ilang gisumite sa Senate Committee on Finance.
May kalabotan kini sa aplikasyon alang sa updated Construction Materials Price Data (CMPD). Sumala sa DPWH, giangkon sa ahensya nga limitado ang impormasyong naihatag nila sa komite, hinungdan nga dili dayon matino ang project-level adjustments sa hapit 10,000 ka proyekto sa tibuok nasud.
Tungod niini, nagsumite na ang DPWH og dugang nga datos base sa project category, nga naglangkob og mas detalyado ug mas kompleto nga impormasyon aron magsilbing mas realistiko ug mas tukmang basehan sa pagpondo sa mga proyekto.
Gipasalig usab sa DPWH nga ang tanang adjustments nga ilang gihimo nakaangkla sa transparency ug gipatuman subay sa technical integrity ug operational feasibility, aron masiguro nga hapsay ug matinud-anon ang pagdumala sa pondo sa gobyerno.
Photo courtesy: DPWH
