Padayon nga misaka ang ihap sa mga namatay tungod sa grabe nga flash floods nga miigo sa pipila ka bahin sa Morocco, diin labing menos 37 ka tawo ang gikumpirma nga patay, matod sa mga awtoridad.
Daghang mga sakyanan sa rehiyon sa Safi ang nalunod sa baga nga lapok ug nagdagayday nga tubig, samtang daghang mga komunidad ang hingpit nga nawad-an og koneksyon tungod sa baha. Labing menos 70 ka mga balay ang grabeng nadaot human gianod nga tungod sa pipila ka adlaw nga padayon nga pag-ulan.
Daghang mga residente ang gidala usab sa mga ospital human nakaangkon og mga injury gikan sa mga debris, lakip ang mga bato, kahoy, ug mga bahin sa mga balay nga gianod sa baha. Ang uban sa mga biktima nag-antos usab sa hypothermia human natanggong sa bugnaw ug hugaw nga tubig sulod sa daghang oras.
Ang mga awtoridad, uban sa mga bombero, pulis, ug mga boluntaryo sa pagluwas, nagpadayon sa mga operasyon sa pagpangita ug pagluwas aron makit-an ang mga residente nga gitaho nga nawala. Ang mga tigluwas naggamit og mga sakayan ug bug-at nga kagamitan aron maabot ang mga lugar nga dili pa maabot sa sakyanan.
Samtang, ang mga relief goods ug temporaryong mga puy-anan gipang-apod-apod ngadto sa mga pamilya nga nawad-an sa ilang mga balay, ug ang mga awtoridad nanawagan sa publiko nga magpabiling alerto ug mosunod sa mga tambag aron malikayan ang dugang nga kadaot ug pagkawala sa kinabuhi.
via: Reuters
