Nag-atubang sa mga kasong kriminal nga gipasaka kagahapong adlawa sa Office of the Ombudsman si Bise Presidente Sara Duterte.
Kini naglakip sa plunder, malversation, graft, bribery, ug uban pang angay nga kaso kalabot sa giingong sayop nga paggamit sa confidential funds.
Matod pa sa mga nagreklamo nga gipangunahan ni Fr. Flaviano Villanueva, Fr. Robert Reyes, ug kanhi opisyal sa gobyerno, naglaum sila nga susihon sa Ombudsman ang ilang mga reklamo.
Base sa mga pagdungog sa Kongreso, migawas nga ang Php125 milyon nga confidential funds sa OVP gikan sa contingent funds sa 2022 national budget.
Ang kantidad giingong nagasto sulod lamang sa onse (11) ka adlaw, usa ka butang nga nakahatag og mas lawom nga pagduda sa paggamit sa pondo.
Apil usab sa mga reklamo nga gipasaka ang paggamit sa confidential funds sa DepEd sa dihang siya ang kalihim.
Ang kinatibuk-ang confidential funds nga mikabat sa Php612.5 milyon giingong gigamit nga walay klaro nga breakdown sa galastohan.
Ang mga nagreklamo gilangkuban sa mga lider gikan sa simbahan, akademya, ug civil society nga nanawagan alang sa transparency ug accountability.
Sa pagkakaron, nakabinbin sa Ombudsman ang mga reklamo nga mahimong magbukas og halapad nga imbestigasyon batok sa ikaduhang pangulo.
Photo courtesy: The Manila Times
