Gibutyag ni Mark Cleoferd Tutor ang manghod ni Lunecito Tutor sa pakighinabi sa Juander Radyo Cagayan de Oro Newsteam nga anaa sa normal nga pangisip ang iyang maguwang nga si Lunecito samtang gihimo ang brutal nga pag patay sa iyang duha ka anak nga sila Adrian Jay 20-anyos ug Arnold Washington 21-anyos nga parehong adunay deperensya sa pangisip.
Pagsaysay pa ni Mark nga way kukaluoy nga gimartilyo ni Lunecito ang duha ka mga anak pasado alas onse sa nilabayng buntag, aron tapuson na matod pa ang ilahang kalisod, gumikan sa gihambin nga balatian.
Maayo na lamang kay wala adtong tungura ang inahan sa mga biktima ug ang kamanghuran nilang anak kinsa apilon unta pag patay sa suspetsado.
Gipamatud-an ni Mark nga sa una pa bayolente na ang iyang maguwang diin kanunay nang ginapasakitan ang mga anak rason nga nawad-an sila sa paminsar, ilabi na ang iyang asawa nga kanunay sab nga ginakulata sa suspek.
Photo courtesy: Mark Cleoferd Tutor
