Gipahibalo ni US President Donald Trump nga ilang gikumpiska ang usa ka tanker nga duol sa baybayon sa Venezuela, nga giingong gioperasyon sa US Coast Guard.
Sumala pa ni Trump, ang nasangpit nga barko usa sa pinakadako nga tanker gikan sa Venezuela nga ilang nasakmit.
Wala kini hatagi og dugang detalye apan gihulagway niya kini nga usa ka dakong kadaugan batok sa ilegal nga kalihukan sa rehiyon.
Kahinumduman nga makadaghang higayon na nga naglunsad ang Estados Unidos og airstrike batok sa mga barkong Venezuelan nga giakusahan nga nagkarga og iligal nga droga.
Padayon ang tensyon tali sa US ug Venezuela samtang nagpadayun usab ang operasyon kontra drug trafficking sa rehiyon.
Photo Courtesy to: Ada Derana
