Gipaniguro sa Matalam Municipal Police Station sa pagpanguna ni PLTCOL Arniel Melocotones, ang kaluwasan sa publiko atol sa taas nga selebrasyon sa Sallah-Mat Festival 2025 sa Matalam, Cotabato.
Sumala pa sa hepe, nga aduna na silay mga estratehiya nga gihimo aron magpabilin ang kahapsay ug kalinaw sa naasoy nga selebrasyon, inabagan sa mga personahe gikan sa Philippine Army.
Gipahibalo usab niini ang mga opisyal sa Barangay ug mga katawhan nga adunay planong mosaksi sa mga aktibidad sa maong festival, nga grupo na ang pag-adto ug pagpauli, asa mao kini ang ilang usa ka estratihiya aron magpabilin ang kahapsay.
Dugang pa, kanunay usab nga mag-igmat sa sitwasyon tungod matag karon ug unya magpagawas sila og mga statement lakip na ang LGU.
Kahinumduman, nagsugod na niadtong Disyembre 10 ang mga aktibidad sa Sallah-Mat Festival ug mahuman kini sa Disyembre 29, 2025.
Photo Courtesy to: Arangkada Matalam
