Gipasigarbo ni Bukidnon Provincial Governor Rogelio Neil P. Roque ngadto sa kaubanang mga gobernador sa ubang probinsya sa nasud ang nakaangkla nga programa kabahin sa Coffee Road Map 2025.
Atol sa nahitabo nga Executive Agricultural Forum nga gipahigayon sa Microtel Wyndham, MOA Complex, Pasay City niadtong adlawng martes, December 9, 2025, gibutyag ni Roque nga ang Coffee Road Map sa Bukidnon dili lang sa paglambo sa mga mag-uuma nakasentro apan lakip na sab ang disaster resiliency, gumikan sa posisyon sa probinsya nga anaa sa tunga-tunga sa Mindanao.
Matod pa sa Gobernador nga kung dili maningkamot ang Bukidnon sa pagtanum ug mga kahoy sa kabukiran posibling moabot ang panahon nga maigo sa mga kalamidad ang Davao region, Cagayan de Oro, Lanao Province, Cotabato ug uban pang lugar nga nakapalibot niini gumikan kay sa Bukidnon nagikan ang tubig.
Gumikan niini dako ang pasalamat sa ubang mga Gobernador nga anaa sa forum sa coffee project sa bukidnon nunot sa epekto sa kinaiyahan gawas sa paghatag maayong panginabuhian sa mga mag-uuma.
Gisuportahan ni Kalinga Province Governor James Edduba, ang maong inisyatiba nga adunay dili maayong epekto sa kinaiyahan ang pagpalapad sa kaumahan sa kabukiran sama sa pagputol sa mga kahoy ug kaingin, busa dakong hinungdan kini nganong ang coffee industry sa Cordillera Administrative Region mihinay gumikan sa sayop nga paggamit sa yuta.
via: LGU Bukidnon
