Gipahugtan sa Philippine National Police (PNP) ang seguridad sa tibuok nasud ilawom sa programang “Ligtas Paskuhan 2025.” Aron masiguro ang luwas o malinawon nga kapaskuhan.
Mokabat sa kapin 70,000 ka pulis, kapin sa 6,000 auxiliary units, ug kapin usab sa 24,000 ka assets ang i-deploy sa mga simbahan, nag-unang kalsada, terminals, malls, pasyalan, ug sa gitakdang fireworks zones, hilabina sa December 24 ug 31.
Segon ni Acting PNP Chief Police Lt. Gen. Jose Melencio Nartatez Jr., ang dakong deployment sa mga kapulisan nagtumong sa pagsigurong luwas ang publiko ug paspas nga matubag ang unsamang insidente.
Kalabotan niini, magdungag usab ang PNP ug mga K9 units sa mga pantalan, mga Explosive Ordinance Disposal (EOD) teams para sa mga pampublikong lugar, ug mga medical units para sa posibleng firecracker-related injuries.
Gipakusgan usab sa PNP ang monitoring sa mga holiday scams, nga gilauman nga mahimong modagsang karong holiday season.
Dugang nagpahimangno ang PNP kalabutan sa mga gibawal nga matang sa pabuto, tungod mamahimo kining magmugnag disgrasya
via: PressOne.ph
