Ubay-ubay ang nakadawat sa financial assistance karong semanaha sa lain-laing sektor sa Bukidnon ubos sa Assistance to Individuals in Crisis Situation (AICS) program sa Department of Social Welfare and Development (DSWD) isip suporta sa mga katawhan nga naapektuhan sa nagkalain-laing krisis.
Matod ni Ms. Roshiel Galia, Information Officer sa DSWD-R10, sa pakighinabi sa Juander Radyo Malaybalay, daan nang gisumite ang lista sa mga benepisyaryo nga naglakip sa senior citizens, farmers, solo parents, low-income earners, sikad drivers, ug uban pang sektor nga nanginahanglan.
Moabot sa 37,160 ka benepisyaryo ang target mahatagan ning bulan sa Disyembre diin milyones nga pondo ang gigahin para sa mga taga-Bukidnon ug gipasalamatan sa DSWD ang kauban sa probinsya ug sa nagkalain-laing asosasyon nga nag-refer sa mga benepisyaryo ug naaprubahan ang pondo sa national headquarters bisan hapit na matapos ang tuig.
Gilauman nga sunod tuig, mopadayon ang pag-apod-apod sa ayuda kay naglatid na gihapon ang pondo gikan sa national office diin kadtong wala pa makadawat posibleng maapil na
