Nakakita ang Department of Justice (DOJ) ug ebidensya nga adunay makatarunganon nga kasiguroan sa kombiksyon aron kasuhan ang negosyanteng si Charlie “Atong” Ang ug daghang mga opisyal sa pulis sa mga kaso nga nalambigit sa pagkawala sa daghang mga sabungero.
Sa usa ka pahayag nga giisyu kagahapon Martes, ang DOJ nag-ingon nga ang panel sa mga piskal niini nakaabot sa konklusyon “human sa usa ka maampingong pagtimbang-timbang” sa gihiusang mga reklamo nga naglambigit sa nawala nga mga sabongero.
Sumala sa DOJ nga ang mga respondents kasuhan og 10 ka ihap sa pagkidnap nga adunay homicide sama nila ni Charlie Tiu Hay Ang @ Atong Ang, PLtCol. Ryan Jay Orapa, Rogelio Teodoso Borican Jr., Rodelo Anig-ig, Jezrel Mahilum, Mark Carlo Zabala, Ronquillo Anding, Mark Carlo Zabala (kaduha gilista sa reklamo), PSMS Joey Natanauan Encarnacion ug uban pa.
Samtang, ang mga 10 pa ka laing respondents giakusahan sa 16 ka ihap sa kidnapping nga adunay seryoso nga illegal detention. Ang DOJ nag-ingon nga kini mosang-at sa kinatibuk-an nga 26 ka impormasyon sa atubangan sa angay nga mga korte alang sa husay.
Ang aktres nga si Gretchen Barretto, nga nahisgotan na atol sa pasiunang imbestigasyon, wala gilakip sa mga indibidwal nga gikasohan.
Giklaro sa DOJ nga ang mga kaso batok sa pipila ka mga respondent gibasura nga walay pagpihig, nga nagpasabot nga ang mga reklamo mahimong ipasaka pag-usab “kung adunay motumaw nga ebidensya sa umaabot nga direktang naglambigit kanila sa mga buhat sa ilegal nga pagbilanggo
via: Atty. Gabriel Villareal
