Subling nagpahimangno ang lokal nga panggamhanan sa Cagayan de Oro City nga mag-amping ug dili dayon mutuo sa mga ginapost sa social media ug batasanon nga magfact check.
Kini tungod, gibutyag ni Janboy Actub, tigpamaba ni Mayor Klarex Uy, atol sa programang Inyong Alagad: Mayor Klarex Uy, nga nagkadaghan ang mga troll account nga nagapost og mga videos ug hulagway aron nga atakehon ang mayor sa syudad.
Gipananglitan ni Actub ang karaang video sa Mayor nga giinterview og mga media apan gigamit kini, giedit ug gitu-is aron magpagula og video kung asa namahayag ang mayor supak sa interim release ni kanhi Presidente Rodrigo Duterte.
Gipaklaro ni Actub nga wala kini kamatuoran ug hinimuan sa mga troll accounts nga dako ilahang pagtoo nga adunay nagpaluyong dagko nga mga tao.
Apan dili lang diha kutob ang problema sa mga troll o fake accounts sa social media, tungod aduna nay pipila ka indibidwal nga nabiktima sa mga fake accounts kung asa gamit ang hulagway sa mayor ug ginapangayuan og kwarta ang mga biktima.
Busa, hugtanong gipahinumdom ni Actub nga dili daling magpailad sa bisan unsang makita sa social media, labi na kung aduna nay kwarta nga involve.
Photo courtesy: City Information Office
