Usa ka Peruvian diver nga si Alejandro ‘Willy’ Ramos Martínez, gitawag karon sa ilang lugar nga ‘The Man with the Mega-Muscled Arms pero dili tungod kay sige’g gym, og wala siyay membership card sa Gold’s Gym, apan nakaangkon siya og dako nga biceps kaysa sa lawas sa iyang personal trainer.
Niadtong 2013, si Willy nanginhas sa dagat sa Pisco, Peru. Nag-enjoy unta hangtod boom niagi ang bangka nga kusog kaayo. Mao nang napugos siya’g saka paspas, mura bag gi-urgent call sa iyang uyab.
Ang problema, tungod sa kalit nga pagsaka gikan sa lapad kaayong kalaloman, nahitabo ang gitawag ug decompression sickness o chamber sickness.
Kani bitawng sakit nga kasagaran maigo ang mga diver kung dili sila mo-decompress tarong mura bitawng imong silingan nga dili mohinay-hinay og bangon gikan sa higdaanan, unya mahadlok sa kalibutan.
Pero si Willy, lahi gyud. Ang nitrogen nga dapat mangawas sa lawas sa tawo, nangpabilin sa iyang bukton ug dughan rason nga miburot pag-ayo. Resulta? Ang iyang biceps mura’g duha ka melon nga nag-date Gani, gi-estimate sa doktor nga ang usa kay 62 cm ang palibot, ang usa kay 72 cm. Mga suki, mao na gyud ni ang literal nga ‘mas dako pa akong problema kaysa imong attitude.
Unique daw iyang kaso sa tibuok kalibutan. Dili common. Dili pareha sa heartbreak nimo nga matag bulan ra.
Ang decompression sickness kasagaran kasakit, bone damage, ug uban pang grabe nga epekto. Pero kaning deformity sa bukton? Si Willy ra gyud ang naigo. Ingon pa sa doktor: ‘Remarkable!’ Ingon pud sa iyang silingan: ‘Pwede ba nako siya i-hire as human jackhammer?
Back in 2017, nisikat iyang istorya. Viral kaayo Ambot unsa ka viral basin mas viral pa sa imong chismis sa group chat. Gisalbar siya sa doktor pinaagi sa pressurised chamber, ug nahuman nila og tangtang mga 30% sa nitrogen bubbles pero hangtod karon, si Willy nagapangita gihapon og kompleto nga tambal.
Photo courtesy: Oddity Central
