Giablihan pag-usab sa Bureau of Customs (BOC) niadtong Biyernes ang public auction sa nabiling luxury cars nga nasakmit gikan sa super contractors nga sila Curlee ug Sarah Discaya sa Port Area, Manila. Kini human mapakyas ang unang bidding kaniadtong Nobyembre 20, diin tulo lamang sa pito ka sakyanan ang nahalin ug nakatigom og Php38.21 milyon.
Gipasabot sa BOC nga gipaubsan nila ang floor prices sa upat ka wala mabaligya nga units aron makadani og mas daghang bidders. Ang pito ka sakyanan unang gisakmit tungod sa kakulang sa permits, dili mabayarang buhis, ug kulang nga import documents. Samtang unom pa ka laing luxury vehicles sa Discayas ang padayon pang giimbestigahan aron matino kung adunay kakulangan sa papeles ug bayrunon nga buhis.
Sa auction, nahalin ang Toyota Tundra (2022) sa kantidad nga Php3,480,000 ngadto sa usa ka bidder nga dayon usab mibayad pinaagi sa RMCE Metal Products Trading Corp. Nabaligya usab ang Toyota Sequoia (2023) sa Php6 milyon, nga mas taas sa iyang floor price nga Php4.67 milyon, ug napalit kini ni Jose Maria Esteban III.
Gilauman sa BOC nga ang makatigom og pondo nga ipasa ngadto sa nagkalain-laing ahensya sa gobyerno aron gamiton sa mga sosyal nga programa.
Photo Courtesy to:Rappler
