Gibutyag ni PNP chief Lt. Gen. Jose Melencio Nartatez Jr. nga ilang pahugtan ang mga lakang sa seguridad sa tibuok nasud alang sa umaabot nga pagsaulog sa Pasko, partikularmente na gikan sa Simbang Gabi hangtod sa pagsaulog sa Bag-ong Tuig.
Ang maong lakang usa ka Ligtas Paskuhan 2025 operational guidelines diin nagpasabot nga ang tanang police units nakaheightened security posture ug kini gidesinyo sa pagdumala sa pagdagsang sa mga kalihokan, ilabina sa mga byahe tungod sa daghang mga pasahero ang laumang muoli sa ilang tagsa-tagsa ka mga lugar.
Kini usab ipatuman subay sa direktiba ni Presidente Ferdinand R. Marcos Jr. alang sa pagsiguro sa usa ka luwas, hapsay ug malinawon nga kapaskuhan pinaagi sa pagpalig-on sa mga operasyon sa pagpatuman sa balaod ug pagpausbaw sa presensya sa kapulisan sa mga komunidad.
Gibutyag usab sa hepe nga magpatuman sila ug police visibility sa mga lugar sama na lang sa transport terminals, simbahan grounds, commercial districts ug popular holiday destinations.
Sa pikas bahin, gipasalig usab sa kapulisan ang mga operasyon batok sa pagpangawat, pagpanulis ug uban pang krimen nga lagmit mosaka atol sa holiday rush. Samtang nakig-alayon na usab sila sa mga lokal nga otoridad sa mga designated firecracker zones ug sa mga makalapas sa safety regulations mamahimong mag-atubang ug tukmang silot.
Photo Courtesy to: PNA
