Giduso ni Senador Paolo “Bam” Aquino IV ang Party-List Reform Act ubos sa Senate Bill No. 1559, usa ka landmark measure nga nagtinguhang limpyuhan ang House of Representatives ug masiguro nga ang tingog sa ordinaryong Pilipino dili ma impluwensya sa political dynasties ug dagkong kompanya.
Matod pa nga pinaagi sa SB 1559, manduan ang Comelec nga magpahigayon og public evidentiary hearings aron masuta ang tinuod nga sektor nga giserbisyuhan sa usa ka party-list.
Ilawom usab sa proposed law ang disqualification sa mga nominees nga paryente sa bisan kinsang elected official sulod sa third degree of kinship, ug ang pagdili sa mga government contractors ug mga opisyal sa kompanyang nalambigit sa public projects gikan sa pagdagan aron malikayan ang conflict of interest.
Lakip sa bill ang pag-extend sa registration period sa party-list groups gikan 90 ngadto sa 120 ka adlaw sa dili pa ang eleksiyon ug ang pag-release sa list of eligible organizations gikan 60 ngadto sa 90 ka adlaw before election day.
Matod ni Aquino, ang reporma dili lamang bahin sa papel ug proseso, kondili alang sa pagtukod og tiunay ug lig-on nga representasyon sa Kongreso.
Photo courtesy: House of Representatives
