Magsugod na ang Department of Agriculture (DA) sa pagpatuman sa Maximum Suggested Retail Price (MSRP) para sa imported nga baboy ug carrots karong adlawa Biyernes, Disyembre 5.
Sumala ni Agriculture Secretary Francisco Tiu-Laurel Jr., ang target nga MSRP kay ₱370 kada kilo para sa liempo, samtang ₱350 kada kilo para sa pigue ug kasim.
Matod pa sa kalihim nga ilang gi-finalize ang presyo aron magpabiling lig-on ang presyo labi na karong panahon sa kapaskuhan.
Sa samang higayon, ang DA nangandam usab sa pagpatuman sa temporaryo nga import ban sa mga buhing baboy ug mga produkto sa baboy gikan sa Spain, human sa report sa African Swine Fever (ASF) outbreak didto.
Gipasalig ni Sec. Tiu-Laurel Jr. nga ang suplay dili maapektuhan bisan pa sa import ban tungod kay ang mga cold storage facilities igo na ang stock ug ang mga presyo sa merkado lig-on.
Gawas sa baboy, ang DA mopatuman usab og ₱120/kg MSRP para sa imported nga carrots sugod sa Biyernes.
