Giawhag sa Department of Agriculture (DA) ang publiko nga magkunsomo nalang og manok isip alternatibo tungod sa kamahal sa presyo sa isda nga galunggong.
Matod ni Agriculture Secretary Francisco Tiu Laurel Jr., nisaka na ang presyo sa imported nga galunggong, gikan sa Php280 ngadto sa Php350 matag kilo. Samtang ang presyo sa lokal nga galunggong gikan sa Php300 mokabat na ngadto sa Php400 matag kilo.
Dugang pa niya nga adunay problema sa supply sa nasampit nga isda tungod sa closed fishing season. Dili pa matino kung kanus-a mous-os ang presyo sa maong isda, busa maayong alternatibo ang manok.
Mahimo usab nga mous-os ang presyo sa isda sa higayon nga moabot sa nasud ang import shipment, nga nalangan tungod sa dili maayong panahon.
Photo Courtesy to: PNA
