Nakarekord ang Bureau of Fire Protection (BFP) Bukidnon og 197 ka insidente sa sunog gikan Enero hangtod Nobyembre 30, 2025 nga mas ubos itandi sa 341 o 79% nga pag-ubos sa kaso itandi sa natala niaging tibuok tuig 2024.
Gibutyag sa exclusive nga pakighinabi sa Juander Radyo Malaybalay ngadto kang Rene R. Rubillos, Fire Safety Enforcement Section OIC, nga nakit-ang nag-unang hinungdan sa sunog mao ang unattended cooking oil o pagluto nga wala mabantayi, problema sa electrical connections ug wirings, kaingin o pagsunog sa mga sagbot ug kalasangan.
Mikabat na usab sa kapin ₱99 milyon ang kantidad sa kadaot sa mga estruktura sa probinsya, lakip na ang kapin ₱4 milyon nga kadaot sa pinakaulahing sunog sa Valencia City
Alayon niini nagpadayon ang BFP sa pagpatuman sa mga programa sama sa interbensyon ug preventive measures, pagpalig-on sa “Oplan Ligtas na Pamayanan” sa high-risk barangays, pag-organisar sa Community Fire Auxiliary Groups (CFAG), ug pag-edukar sa komunidad, labi na sa mga high-hazard areas
Gipasiugda sab sa BFP Bukidnon nga ang padayon nga suporta sa komunidad ug pag-amping sa kada balay dako kaayong tabang sa pagkunhod sa kaso sa sunog sa probinsya.
