Hugot nga gihimakak sa Chairman sa House Committee on Ethics and Privileges ug 4Ps Party-list Rep. JC Abalos ang espekulasyon nga si Presidente Ferdinand Bongbong Marcos posibleng nakaimpluwensya sa desisyon sa Kamara nga suspensohon si Cavite 4th District Representative Kiko Barzaga sulod sa 60 ka adlaw.
Sumala ni Abalos, ang komite adunay basehan sa pagrekomendar sa suspensyon ni Barzaga ug ang Presidente walay kalabotan niini.
Lakip sa tulo ka basehan nga giila ni Abalos alang sa suspensyon ni Barzaga mao ang paglapas sa House Rules ingon man ang Code of Conduct and Ethical Standards for Public Officials and Employees, ug Conduct Unbecoming of a House Member.
Sumala ni Abalos, klaro nga si Barzaga nakalapas sa mga lagda, mao nga gisilotan siya sa Kamara ug dili aron pahilumon siya sa pagsaway o pagbatikos ni PBBM.
Photo Courtesy to: PTV news
